Nganong Nabasted Ka Bisag Tinarong Imong Pagpanguyab

Nakapangutana ba ka kung nganong wa ka sugta sa babaye nga imo gipanguyaban bisag tinarong ang imong tuyo? Di man ta ka pareho anang mga lalaki nga pasakitan lang ang mga babaye. Pero gibasted ka bisan tim-os man ta ang gugma nga imong gihalad.

Image by Janos Perian 

Ngano kaha? Basin kaning mga rasona ang hinungdan kung ngano wa ka sugta.

LAHI NGA LALAKI ANG IYANG TYPE

Lahi lang siguro ang type niya nga lalaki. Bisan pa man athletic ka unya MVP pa ka sa liga sa inyo sa basketball. Dili jud ka niya magustuhan kay lahi iyang type -  sama sa ganahan siya ug medyo nerdy ug mysterious.

DILI GANAHAN ANG BABAYE SA LALAKI NGA NAAY BISYO

Naay mga babaye nga di ganahan ug lalaki nga bisyoso, sama sa pagpanigarilyo, palainom, palahubog o basin rugby boy ka sa inyo. Suwayi kuno ug palayo aning mga bisyoha basin sugton ka. Kay kung wala man gud tay bisyo buot pasabot naa kay disiplina ug respeto sa imong kaugalingon.

WALA KAY TRABAHO

Kung mataymingan nimo nga ang imo gipanguyaban practical ug naglan-taw na sa kaugmaon kanang dili sama anang mga teenager nga batabataon pa kayo ug hunahuna ug dili pa kabalo motan-aw sa ilang ugma siyempre dili jud ka sugton. Unsaon man nimo pagbuhi unya sa imong pamilya kung wala kay trabaho.

MANYAK KA

Kung biga biga nga babaye imong nataypan dako kag tyansa nga sugton  pero kung tarong nga babaye siyempre itsapwera ka kay dili ka kamao morespeto sa mga babaye.

KALIWAT KA UG UNGO, HILOAN, BARANGAN

Image src

Kung naa moy kaliwat nga sama niani molikay jud ang babaye nimo bisag dili pa ka ungo. Basta machismis na gale nga kaliwat mo ug ungo o barangan mabahiran jud ang imo pagkatawo. Uso ni siya sa mga probinsiya nga lugar diin ila jud i-trace ang imo family tree.

WALA KAY KALIGO

Basin nakalimot lang ka ug kaligo kay tungod sa imo ka-excited nga imo na isulti imong gibati kay nahadlok nga maunhan wan a noon ka kaligo maong w aka sugta kay nanimaho kag bakag.

BATIAN SIYA SA IMONG NAWONG

Daghan na kayo nga mga babaye ron nga gwapo ang ilang gusto kanang morag k-pop ug nawong. Unya kung bisaya kayo kag nawong isnabon lang tawn  bisag tarong kayo ka nga pagkatawo.

NAKAHIBALO SIYA NGA NAA KAY BUN-I

Image src

Anak ng pating kung bun-ihon ka lisod kayo ka sugton oi manakod na dodong adto pagpalit dayon anti-fungal cream.

SOBRA RA KAAYO KA KABUOTAN

Kung sobra ra kaayo ka kabuotan nay mga babaye nga maka-sense nga mora imo siyang gi-pressure. Ma-pressure siya sa imong kaayo nga morag nag-expect ka magminyo na mo.

BAYOTON KA

Mga babaye nga gusto nila laki jud ug panlihok unya maskulado – mao ni ang mga type nga dili sila ganahan ug mga bayoton nga lalaki.

DAKO KAG TIYAN

Naay baabaye nga dili sila ganahan ug lalaki nga dako ug tiyan. Lainan sila magtan-aw sa lalaki  nga dako ug tiyan.

POTOT KA

Siguro di ka potot mubo lang siguro kay sa babaye. Naa mga babaye nga gusto nila taas pa nila ang ilang uyab.

ADIK KA

Kinsa man say ganahan anang tawo nga adik. Nga wala mana silay respeto sa ila kaugalingon. Ila man giabuso ila lawas. Kung ing-ani ka, possible imo sad abusohon ang babaye kaysa imo kaugalingon giabuso man nimo.

CHICKSBOY KA

Dili ka sugton sa babaye nga tarong kung chicksboy ka, kay maghatag lang kag labad sa ulo niya sa umaabot.

MAUWAW SIYA SA IMONG TRABAHO

Kung imong trabaho ubos ra kayo sa iyang tan-aw malamang di ka niya sugton. Kaning mga klaseha sa mga babaye medyo mata – pobre. Dili gyud ni manguyab ug mga lalaki nga bisan marangal nga trabaho dili ka sugton kay mauwaw lage ug mahibaw-an sa iyang mga kaila. Mga trabaho nga sama niani: taho vendor balut vendor street food vendor kargador panday ug uban pa.