Kalamboan

Naay ubang mga tawo nga ang ila rang kaugalingong pagbati ang ilang gustong paminawon og dili nila panumbalingon ang pagbati sa ilang isig katawo. Maunongon lamang sila kanimo kung naa sila'y panginahanglan pero sa higayon nga ang ilang mga panginahanglan mausab, mao usab pod ang ilang pagkamaunongon diha kanimo. Kaning klase sa mga tawo yutan-on ra kaayog panghuna-huna. Kung sa natad sa gugma loyal lamang ang usa ka tawo kung ganahan pa siya nimo pero kung sa magkadugay naa na siya'y laing gipangita nga gusto niyang makuha.....sumpayan pa.

Kita usahay makalimot kung unsay angay buhaton sa kwarta nga atong nagunitan. Wala nato hatagig bili nga kung dili nato palabihon ang pagtigom, mag-antos gyud ta sa umaabot. Nagtrabaho ta walo ka oras sa usa ka adlaw, dayon inig sweldo ang atong hinagoan nakalimtan lang nato unsa ka bililhon. Gasto didto gasto ngari. Wala nato hunahunaa nga maanamanam ra'g kahilis ang atong hinagoan. Nagsalig man kay naay trabaho. Dili ra ba nato matag-an ang panahon nga bisag regular na kita sa trabaho pwede ning kuhaon nato puhon. Kung mogasto man sa pagkaon morag wa nay ugma. Dili hunahunaon kung unsang sud-ana ang dili makaayo sa lawas, palit lang dayon bisag wala pa gi-budget ang kwarta. Dili kwentahon pilay makuhaan basta lang makasud-an og lami. Imbis planohon unsang sud-an ang maka-ayo sa lawas nga bisag dili mahal basta makaayo lang. Kay puhon mouli ra ba gyud sa lawas kung unsa ang atong gipasok sa atong baba. Dili dautan nga mokaon og mga lamian nga mga pagkaon pero kung dili nato planoh

Karon nga naa na kita sa panahon diin sayon nalang kaayo maglitrato tungod sa teknolohiya. Dili parehas sa una nga kinahanglan pa nimo mangita og kodaker sa Fuente o sa Plaza Independencia. Karon sayon nalang kaayo tungod kay nagbaha ang mga selpon nga naay kamera. Maka-afford na ang tanan. Busa dili pasagdaan ang mga importanteng gutlo sa kinabuhi nga dili madokyumento pinaagi sa paglitrato. Kung naa kay giadtoan nga lugar kinanglan dili gyud kalimtan ang kamera para imong malitratohan ang imong kaugalingon nga nianha ka nianang lugara ug kuhaan sad nimo'g larawan ang mga nindot nga dapit sa imong naadtoan. Nindot man gud kung naa tay handumanan pinaagi sa larawan. Mahimo ning walay katapusan nga bahandi sa atong kasingkasing. Dili lang sa siguro nato matagaan og bili ang pagkakaron, pero kung molabay na ang panahon mahimo na ning handumanan. Diha na nato mahibal-an nga nindot diay ang kagahapon. Daghan man kitag bati nga mga nangagi sa atong kinabuhi, pero pinaagi sa paglitrato s

Naa lang ko'y nabantayan ba nga naay mga tawo mag-ilis og karelasyon kung asensado na. Kadaghan na ni nako mabantayan sa mga naka-trabaho og arang-arangan nga trabahoan. Mabantayan pod nako sa mga naay negosyo ug mga OFW. Malooy lang ko sa ilang giilisan nga sa dihang uyamot pa ug wala pa makakupot og dakong kwarta loving pa kaayo sa iyang unang naka-relasyon, pero sa dihang maasenso na gamay, mag-change na dayon og laing uyab. Matay kani gyung kwarta ug mga materyal makapa-usab gyud kanato. Ngano kahang mausab man ta kung naa na kita'y nindot nga trabaho, nga naghatag nato'g alibwa sa atong kapobre o negosyo nga naghatag nato'g daghang kwarta? Usa siguro sa mga rason nga nagtoo kita nga kaya na nato ang atong kinabuhi kung magdawatan na kita'g saktong kwarta. Dili na nato mamatikdan nga gidag-oman na ang atong panghunahuna sa kwarta ug mga materyal. Nakalimot kita nga kining atong kinabuhi hinulaman lamang ug puhon taptan kita sa usa ka sakit nga mohinay-hinay'

Naay ubang mga tawo nga kusog kaayo mohukom sa ilang isig katawo nga bisan sa ilang kaugalingon dili makamao mobantay. Kusog kaayo manghimantay hukman kana dayon base sa ilang nakita nga wala man sila nakahibaw pa sa tibuok istorya o tinood nga imong batasan. Kung makahukom mora'g wala'y bahid nga sala sa ilang pagkatawo. Dili lapad ilang panglantaw nga posible man nga sa ilang banay naay mahisama sa ilang gihukman. Nganong naa may mga tawo nga kusog manghukom? Pinaka-una nga rason mao ang ilang palibot ug giunsa sila sa pagmatuto. Nagdako sila sa lugar diin naay mga pagtamay nga maoy nakapahimo pod nila nga motamay. Nagtoo sila nga pinaagi sa pagtamay makapanalipod nila kini sa ilang walay kasiguruhan nga estado. Wala nila mapalapad ang ilang pagpakahibawo nga kitang tanan naa may kasaypanan. sumpayan pa....