Ubang Tawo Mag-ilis og Karelasyon Kung Mo-asenso

Naa lang ko'y nabantayan ba nga naay mga tawo mag-ilis og karelasyon kung asensado na.

Kadaghan na ni nako mabantayan sa mga naka-trabaho og arang-arangan nga trabahoan. Mabantayan pod nako sa mga naay negosyo ug mga OFW.

Malooy lang ko sa ilang giilisan nga sa dihang uyamot pa ug wala pa makakupot og dakong kwarta loving pa kaayo sa iyang unang naka-relasyon, pero sa dihang maasenso na gamay, mag-change na dayon og laing uyab.

Matay kani gyung kwarta ug mga materyal makapa-usab gyud kanato.

Ngano kahang mausab man ta kung naa na kita'y nindot nga trabaho, nga naghatag nato'g alibwa sa atong kapobre o negosyo nga naghatag nato'g daghang kwarta?

Usa siguro sa mga rason nga nagtoo kita nga kaya na nato ang atong kinabuhi kung magdawatan na kita'g saktong kwarta. Dili na nato mamatikdan nga gidag-oman na ang atong panghunahuna sa kwarta ug mga materyal. Nakalimot kita nga kining atong kinabuhi hinulaman lamang ug puhon taptan kita sa usa ka sakit nga mohinay-hinay'g patay sa atong mortal nga lawas.

Ang tawo nga atong karelasyon sa atong kawad-on mao nay mounong nato kung puhon magkasakit ta. Pero kanang tawo nga giilis lang unya nakakita nato nga aduna na kitay dagkong kinitaan nakasiguro ba kita nga gimahal ta sa tinuoray? di ba lang kaha tungod kay sapian ta maonang nipilit nato?