Makamatay Nga Halok: Binatilyo Namatay Sa Stroke Tungod Sa Chikinini

Mexico - Imbis makapalupad sa gibati ug tam-is kaayo ang masinatian sa usa ka ten-edyer, makasubo na noun sa pamilya ang gidangatan sa ilang anak -  tungod kay na-stroke na hinuon kini human nga gibutangan ug ubay-ubay nga chikinini sa iyang uyab.

Ang 17-anyos nga lalaki nga si Julio Macias Gonzalez gi-convultion samtang nanihapon uban sa iyang pamilya. Ila dayon kini nga gitabang ug gidala sa ospital.

Samtang didto na sa ospital dili na niini malihok ang pipila ka parte sa lawas tungod kay na-stroke.

Nakapahibulong kini sa doktor kung unsa'y hinungdan sa pagka-stroke niini. Pero nahikaplagan nga aduna kini'y mga chikinini.

Matud sa taho didto sa mexico, ang mga doktor nagtuo nga ang pagsupsop nga nakahimo ug chikinini nga niresulta sa blood clot o ang pagtibugol sa dugo nga nilakbay paingon sa iyang utok, mao'y hinungdan sa iyang pagka-stroke.

Sa nahibaloan, ang pamilya sa lalaki dili uyon sa ilang relasyon tungod sa 7 ka tuig nga gintang  sa uyab niini nga babaye.

Tungod sa hitabo, wala na magpakita ang dalaga human nga gibasol kini sa kamatayon sa ilang anak.