Ang Itom nga Lechon sa Danao City sa Cebu

Lami kaayo ang lechon labi na'g makita nimo ang kolor niini nga orange, dili gayud nimo mapugngnan ang paglaway sa imong baba. Pero lahia kining lechon sa siyudad sa Danao sa amihanang parte sa Cebu.

"Napaig na pero wala pa naluto," mao kini ang sulti sa mga tawo. Talagsaon kining lechona kay itom man ang kolor. Daghan ang nakapangutana kung giunsa kini pagkulay nga nakapahimo niini nga itom. 

Matod pa sa tag-iya sa Madam's Lechon nga mao ang namaligya sa black lechon og gitawag usab nga "lechon ala negra," mga utanon lang daw ug mga panakot nga gisagulan og ata sa nokos. Sa dili pa kini lutoon kinahanglan osa nga paugahon ang gibutang nga mga sagol nga nakapahimo niini nga itom.

Daghan ang nangutana kung unsa ang lami sa maong lechon og matod pa sa nagbaligya, mao ra daw usab ang kalami niini sa tradisyunal nga lechon, apan gipalamanan kinig manok nga bisaya nga anaa nila makuha sa ilang farm.

Ang Madam's Lechon gipanag-iya ni Joy Requiso Postrano nga mao ang utok sa luyo sa pagkamugna sa black lechon sa Danao.