Babaye Nga Nagdahum Manganak og 7 ka bata, 9 ang Nigawas
Usa ka babaye 25 ang panuigon nga taga Mali sa kasadpang Africa, ang nanganak og nuwebe ka mga bata. Upat ka lalaki ug lima ka babaye. Nagtoo si Halima Cisse nga pito kabook ang iyang gisabak sumala sa ultra sound. Pero sa dihang nanganak na siya, nasorpresa ang mga doktor kay naa pay duha ka mga bata. Ang duha wala diay makita sa ultra sound.
Tungod sa kakuwang sa pasilidad sa ilang nasod sa pag-atiman sa talagsaong pagmabdos. Giisponsoran siya sa ilang gobyerno ug gimandoan ang mga doktor nga dad-on siya ngadto sa bansang Morocco para adto siya manganak.
Cesarian ang paagi sa iyang pagpanganak diin nakasinati siya'g severe hemmorage tungod sa paglapad sa iyang uterus og giabunohan siya'g dugo pagkahuman niya'g panganak. Sa pagkakaron anaa na siya sa stable nga kondisyon.
Matod ni Professor Youssef Alaoui usa ka doktor sa Ain Borja clinic didto sa Casablanca, Morocco, diin nanganak si Cisse, nagtimbang ang mga bata nga anaa sa 500 grams ug 1 kilogram o 1.1 ngadto sa 2.2 ka mga libra. Gipaabot usa og mga semana sa dili pa siya paanakon para ma-develop pag-ayo ang mga bata.
Samtang didto sa Mali ang bana sa nanganak nga si Adjudant Kader Arby, malipayon kaayo sa dihang nahibaw-an niya nga maayo ang kahimtang sa iyang asawa ug siyam niini ka bag-ong sakop sa pamilya.
Naay hugon-hugon nga mapatik sa bag-ong rekord sa Guinness World Records ang pagpanganak ni Cisse isip "Most children delivered at a single birth to survive." Ang rekord sa kasamtangan gihuptan ni Nadya Suleman nga taga Estados Unidos. Nanganak siya'g walo ka mga bata pinaagi sa In Vitro Fertilization (IVF).
Mga tinubdan:
A Malian woman was expecting seven babies. Instead, she gave birth to nine.
Nonuplets: Woman From Mali Gives Birth To 9 Babies
https://www.npr.org/2021/05/06/994244064/nonuplets-woman-from-mali-gives-birth-to-9-babies
Crux
Comments
Post a Comment