Obispo sa Orthodox nga Simbahan: Homoseksuwalidad Produkto sa Anal Sex

Didto sa Cyprus, usa ka nasod nga isla sa Mediterranean, ubos sa nasod sa Turkey, nakahimog kontrobersiya ang Obispo nga si Neophytos Masouras.

Matod niya, kung ang babaeng mabdos makighilawas pinaagi sa lobot mamahimong bayot ang anak niini. Kini iyang gipamahayag sa iyang pamulong didto sa usa ka primary school sa Akaki Nicosia District.

Tungod sa iyang gipamulong nautingkay ang mga tao labi na ang LGBT community sa maong lugar. 

Matod sa kapulisan nisobra na daw ang obispo. Naay mga opisyal sa gobyerno nag-ingon nga insulto ug makadaot ang iyang pamahayag. Ang human rights didto namulong nga usa ka diskriminasyon ang iyang gisulti.

Tungod sa pagkuyanap sa iyang video mahitungod sa iyang pamahayag, gibiay-biay siya ug gipangutana sa LGBT didto kung giunsa man sad paghimo ang mga tomboy.

Sa usa ka social media naay nikomento sa iya nga nagkanayon, "Father kung ang babaye mag-oral sex, ang bata mahimo bang dentist?"

Gidepensahan ni Bishop Neophytos Masouras ang iyang mga gipangsulti ug ingon niya nga gipahayag lang niya ang posisyon sa Simbahan ug ang posisyon sa mga santos. 

"Kay si Saint Porphyrios nag-ingon nga kung gusto sa babaye kana, molungtad ang tinguha, ug pagkahuman ang tinguha mapasa sa bata." segun pa sa obispo.

Matod pod sa maong obispo nga makapanimaho siya sa usa ka bayot.

Tinubdan: cyprus-mail.com, foxnews.com